Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Awm theilo, i awmlohna hmun, awmlohna i nei sîlo
Nangmahah engkimin tan in, hun leh ni i thuhnuaiah
Rorelna i kuta awmin i hriatpuiloh engmah awmlo
Engkim chungah meuh leng mah la
Min hmangaih i thulh theilo
CHORUS
Engkim-ti-thei, aw Ropui ber,
Engkim chungah leng mah la
Hei hi erawh i thei mawlh sî-lo
‘Min hmangaihloh’ i thei-lo
Hmangaihtu mak, hmangaihtu ril ber i ni.
Chunglam khian an tarlang fo thin, I ropui namenloh zia
Hnuailam hian an tarlang fo thin i themthiam ril ropuizia
Hringmi theihna lo san zual leh a siamtu ropui an tarlang
Engkim hmangin puang tawh mah la
Tûnah kan fiah sêng mawlh lo!!
Kross ai hian tlâwm zâwk awm se,
Bawlhhlawh zâwk tenawm zâwk se
Aw Lalpa; i thlang tho hian maw ka ring thin kei min tlan na’n
Kan hlû asin i tân hian aw; Lalpa a mak ka ti thin
Kross meuh hmangin puang tawh mah la
Min hmangaih fiah zo nêm maw
MIN HMANGAIHLOH I THEILO
Composer: C Lalzarmawia
Singer: Zorema Khiangte
