Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Luipui thim thûk, tui fâwn vêl kamah,
Nang chauh ringin ka ding tawh ṭhin a;
Tlâng leh ruam, thlalér, hmun riang reh tinah,
Bo ve ngai lo tûrin min hruai a.
Fiahna tlâng sâng ber pawh A chakna ringin,
Ka Lalpa’n min lâwntîr tawh ṭhin a;
Sual leh thlêmna te’n min beih ni te hianin,
Hei hi ka chiang zual fo ṭhin.
Lalpa a rinawm, A rinawm nawn fo ṭhin eng lai paw’n,
Lalpa’n min hruai a, min hruai nawn leh fo ṭhin;
Ama’n min tichak fo ṭhin,
Thihna tlângah;
Ka mangan ber laiin ṭanpuitu leh vêngtu ka nei,
Ka Lalpa hmachhuanin, hnehna ka puang ang;
Ka puang nawn, ka puang nawn fo vang.
Eng vâng hian nge kei ka Lalpa chungah,
Beisei i neih ṭhin min tih chuan;
Indona hmuna ka tel tawh zawngah,
Ṭanpui vartu hnai A ni si
Eng vang hianin nge zân thim chu ka thlír ang?
A phênah khaw vâr ka hmu si;
Tâwpna ni ropui Lal lawmna ram khawpui,
He thinlung hian a thlîr a ni.
Lalpa a rinawm, A rinawm nawn fo ṭhin eng lai paw’n,
Lalpa’n min hruai a, min hruai nawn leh fo ṭhin;
Ama’n min tichak fo ṭhin,
Thihna tlângah;
Ka mangan ber laiin ṭanpuitu leh vêngtu ka nei,
Ka Lalpa hmachhuanin, hnehna ka puang ang;
Ka puang nawn, ka puang nawn fo vang.
LALPA A RINAWM
Translation: Ngurnuntluanga
Popularized by Seraphic Choir
Lalpa A Rinawm Lyrics brought to you by Unau.
