Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Aw ka ram hlui khawvêl Aigup-
Ta le kân vâina hnuoi rinum;
I khêl tienga thlamuong le,
Vân lawmnahai chu chu ka chang tah;
I sûnga ka ruol hluihai khawm an suok tah.
Aw hung el ta, Lalpa kuomah,
Aw hung ṭhang rawh, Lalpa kuom tieng;
Lal sin thawtuhai an indai nawh,
Theitâwpa thaw dingin nang khawm an fiel che.
Aw khawvêla Lalpa lova,
Sum za tinrêng khâwltuhai chu;
An tâwpna ding chu thlîr ta u,
Lekhabu thuin a mi hril;
“An hâwkna pumin ân hmang zing anih” tiin.
Aw khawvêl lawmna mi mînsan
Rawh, ei inṭhe sawng ding an tah;
Ka Lalpa mi kona phuin,
Sin chu thaw dingin kân siem tah;
Chanchinmha hril dingin ruolṭha khawm zawng ka tih.
Aw vân Lal sin thaw seng ei tiu,
Ân rieng hnuoia Kohranhai hin;
Khawvêl lien lem hei en vêl hin,
Thlarâu sandamna chu ngaiin;
An mi nghâk “Keini khawm mi ṭhuoi rawh” tiin.
LAL SINTHAW DINGA FIELNA
Composer: Upa Ngama
Lal Sinthaw Dinga Fielna Lyrics brought to you by Unau
