Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Tiena Aiguptaa lungngaihai,
Chunghnung kutin mi ṭhuoi suok la;
Ngai naw ningah, ka ram hlui Aigupta,
Hmangaina Lal thutiem ram kan pan chun.
Sûm ngîr var, hma thuoi pei rawh,
Nang zui pei kan ti che;
I tiem ram Kanaan mâwi chu,
Aw, mi ṭhuoi tlung ngêi la,
Kannaan pâr tlana lêng ka nuom ie.
Thlalêr puon zâr hnuoiah inthawk hin,
Ṭapin Zion ka hang thlîra;
Lung ân lêng ie, ka thlîr pei ding ani,
Kei nêka ngai chuong che um an tîm maw.
Paran thlaler ramtawl ka tlung tah,
Ka chau em el, hring ka zuom nawh;
Ka ngai nun-thing, I zâr inhawi tak chu,
Nang naw chu lung lai hnêmtu an um nawh.
Ei tlung vâng tah, ei pan ram mâwi chu,
Salem vângkhuo rî chu ngai ro;
Kanaan lênkâwl êng chu ân zâm vêl ie,
Israel, lungngai lovin hlim ta rawh.
Ka Ram Hlui Aigupta Lyrics brought to you by Unau
