Hnena Hlado La’n Sam Ei Tih (Lyrics)

Runin kan un, doin kan um laituol-zawl ah
Herod ral ieng doral ropui chu hung lien in,
hluo ngam lovin kan rausan zo kan run-inhai,
meipui, mei vam anchangzo tah kan rohluhai.
Aw, van Pathien, aw kan Pathien,
Thupha kan chawi i kebulah,
Kan ram, kan hnam, kan suolna hai mi ngaidam la,
Mi sawpfaiin, min dinthar rawh.

Kan sumtuolhai doral hmunpui an chang zova
Himna zawngin, sim le hmarah kan tlan vel a;
Ral muong hmun hlun hrim a um nawh hi khawvelah,
Kan kulpui le kan himna chu nang chau i nih.
El Elyon Pathien chunghnung tak;
Kan suong tak chu nang chau i nih,
Kan hung bel che, kan hung ko che milo ngai la,
Mi thlamuonin mi lo hum rawh.

I Biekbuk le i maicham hai an suosam a;
I Kohran le i beramhai an indar zo,
Iengchen am i dawthei ding ana aw Lalpa?
I nauhai sanhim dingin hung ngirsuok ta rawh.
Jehova Nissi kan puonzar
Jehova Gibbor Pathien hrat,
Kan phaw kan ralthuom kan hratna hung ni pei la,
Hnena puonzar min zar tir rawh.

Krista sipai, aw valruol le aw nghaknuhai,
Zam lo le ti lovin ei ral do pei ei tiu;
An kuoma chun tisaa sipai pawl an na,
Ei kuom tieng Lalpa ei Pathien a thang a nih.
Pathien ei kuom tieng a thang chun,
Tuinam mi do thei an ta?
Hi hratna hmang hin ei ralhai do pei ei ta,
Hnena hlado la’n sam ei tih.

HNENA HLADO LA’N SAM EI TIH

Composer: Rev. V. Ramchuoilo Varte
Performed and Popularized by: Krista Sipai Vocal Band