Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Tunge ka nih Lalpa i hria,
Enge ka tih ṭhin i hai lo;
Nunhlui liam tawh hnute vang a beidawng ṭhin,
Sulhnu pawh,hmuhtlak awm lo,
Hmangaihtu thinlung meuh pawh hliam ṭhin hian,
Hawi san bak ka phu lo.
Mahse, Hmangaihtu min Hmangaihtu’n,
Misual kei min hnar phal love;
Min Hmangaih, min Hmangaih,
Min enkawl a ṭhulh lo
A Malsâwm min vur bang love;
Kei mai hian,i Hmangaih ka phu mawlh lo.
Ka duhthlan, ka dai pelh ten,
Ka inchhirna ber min thlen ṭhin;
Heng hian Ba ang min ṭhing se, rul zo maw?
He taksa hi thlanthim thuk berah pawh zalin fam chang ila,
Ka sulhnute’n a phu reng a ni.
Mahse, Hmangaihtu min Hmangaihtu’n,
Misual kei min hnar phal love;
Min Hmangaih, min Hmangaih,
Min enkawl a ṭhulh lo
A Malsâwm min vur bang love;
Kei mai hian,i Hmangaih ka phu mawlh lo.
HMANGAIHTU
Composer: Jonathan Lianhna
Popularized by: Jonathan Lianhna
FROM THE COMPOSER/SINGER
A hmasa in he video thlirtu zawng zawngte, Lalpa’n min hmangaih tih hi lo hre thar rawh aw.. Chutih rual chiah chuan Lalpa hmangaihna chhang let thei turin Lalpa lam lo hawi thar leh la, Simna leh thuawihna hmanga Lalpa hmangaihna chhanglet turin ka sawm a che . He hla hi 2021 june thla a Lalpa’n phuah atana min pek ka ti lo theilo a,Lalpa’n kei misual ber min hmangaih zia min hriattirna mai emaw ka tih laiin mi thenkhatte hnen atangin testimony ka dawng nawlh nawlh mai a, a ropui ka tiin, Lalpa thatzia leh misualte min lo hmangaihzia min hriattir thar nasa hle a ni. He video puitlin theihna tur hian a phenah mi thahnemngai tak tak leh Lalpa tana inpe em emte nen kan thawkho theia, ka lawm takzet a, lawmthu sawi ngaihna pawh ka hrelo, Lalpa’n a let tamtakin malsawm che u rawh se. He video hi Lalpa ta a ni a, Lalpa ropuina tur chauh lo ni rawh se.
HMANGAIHTU Lyrics brought to you by Unau.
