Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Hmana kan nun hlui a chul tawh hnu,
Ka dawnin awmkhua a har ngei e;
Chhungkim dar ang lenlai nite zawng kha,
Mual an liam hmanlai an chang zo ta,
Lung min len tinkim ka dawn khawlin.
Kawl a ngui tlai ni a her liam a,
Rial ang lo dai e i run kaina;
Zan tlai bawhar mah hi siang a lawi thin,
Han hawi ve ang che i run kaina
I sulhnu rial anga dai hnu hi.
I hlimthla te mai hi kan chan tawk,
I anka biak leh mi chhang si lo;
Ka thlir ang che awm khawhar min hnema’n,
Ka ngai che, bawihte, ka ngai em che,
Min hnem an awm lo ve – nang lo chu.
Hmanah chuan run hmuna leng kan ni,
Tunah erawh kar mi lo dan ta.
Chatuan tlang lianin mi dang ta si a,
Ka lenna hringmi khawvelah hian,
Ka nghak lungduh hnen ka thlen hun tur,
Kei mi ngai lovin i liam ta maw?
Chung Pathian run nuam chu pan zel rawh;
Tah chuan hmangaih Lal i han hmu ang a,
A lo chhang ang che hmangaihnain,
Angel lenna chung Pathian runah.
Chung Pathian run nuam chu thleng ila,
Lungduh ka then takte kiangah khian;
Luaithli nul inthente kan hlau tawh lo’ng,
Mittui tlak Lalpan a phal tawh lo,
Hmangaih Lal rorelna hmun a ni.
HMANA KAN NUN HLUI
Composer: Rokunga
Popularized by: Mission Veng YMA Branch Zaipawl, Nancy Zothanmawii, F. Zomuanpuia, etc.
Hmana Kan Nunhlui Lyrics brought to you by Unau.
