Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Key: Doh is ‘Eb’
Khualzinna ram khawvelah hian,
Chatuan khawpui ka pan laiin;
‘Hnung lam hawiin lo kir leh rawh.’
Tiin khawvelin min lo au va.
Chorus:
Hawilopar mawi, Krista ka thliak ta,
Hmangaih takin min chelh reng a;
Ka lungawi e, ka zai zel ang,
Ka hawi kirsan phal tawh lo’ng.
Hringnun khawvel ka thlir changin,
Lei mawinate’n min lo hip thin;
Mahse hmangaihtu Lal Krista,
Chatuana Hawilopar ka thliak ta.
Ka sualnate a tlengfai a,
Silhfen tharin min thuam ta a;
“Hlau suh ang che,” ti hian ka hria,
Ka hawi kirsan leh phal tawh lo vang.
Sual vanga mittui a hul a,
Jerusalem thar ka thlir a;
Ka lawmna ber Krista zuiin,
Zawi tein ka kal dem dem tawh ang.
Composer: Upa T. Romama
