Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Doh is ‘Eb’
En teh van khawpui tual lai khi,
Mi huaisen martarte an leng e;
Sakawlh leh ring lo an hlau ngai lo,
Hnehin an leng van khawpui tualah.
Aw Kalvari tlang kraws
I chakna ringtute chuan,
Hnehin an ngam ta,
(Sual thihna an ngam ta Halleluia)
Sual thihna hnehna Kraun nen,
An leng Salem tual laiah.
Tingtang leh phaiphuleng remin,
Tlantu an fak an rimawi zawng nen;
Khawvel hrehawm hi an ngai tawh lo,
Hnehna fak in hnehtute an zai.
Lalpa, i ram ngaiin kan rum,
I tlansate lei hrehawmah hian,
Hruai chhuak la khawvel buaina pelin,
Lungngaih buaina piah ram thlen ang che.
Hei hi ka lawmna ber a ni,
Ka tan chatuan khaw nuam A siam hi;
Tlantu hmaa ka din ve hun chuan,
Hnehna fakin hnehtu kan zai ang.
Composer: Rorelliana
