Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Key: Doh is ‘A’
Chhandamna hla mawi sain, ka rilru hlimin a khat, Ka thlarauvin thla a zar, thlawkin Van ram nuam a fang; Ropuina eng zam velah, hmangaihtu Lalpa fak in, Lawm takin an zai van Angel zawng nen.
Chorus:
Beramno hnehna Van hla mawi ropui ber chu,
Aw, a thianghlim, a thianghlim, a ropui e,
Hla mawi ropui her Van hla thar mawi chu
Sain an zai, Van angel zawng zawng nen.
Pathian Lalthutphah hual vel, rangkachak tual nuamah chuan,
Rinnain ka leng vel a, Aw a mawi, a mawi mang e;
A ropuizia sawi theih loh, chhandamna hla mawi sain,
Hlim takin an zai van angel zawng nen.
Beramno ropui rawh se, thihna hneha tho leh chu,
Tunah vanah khian a thu, rorelin a lo kal dawn;
Chhandam fate zawng zawng nen, bâng lova kan fak hun tur,
Aw a va nuam dâwn van angel zawng nen.
Beramno tholeha chuan, “Ka lo kal thuai dawn” a ti,
A hmaah hnam tin, chi tin, an thiltihte ang zelin;
A rorel thu a puang ang, “Hun chu a tawp ta!” tiin,
Chatuan Vân ram nuam chu a lo ni ang.
Composer: Lalliansawma
