Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Damlai tuipui dung le vang fang inla khawm,
Hma tieng khawmâwi, Kanaan chu thlîr peiin;
Ka lâwmman Lallukhum chu a hnai tah ie,
Ṭapin khawvêl hi hmang sâwt ta naw ningah.
Sâwt ta naw nih, damsung lungngai buoina,
An mi kona râwl chu ka hrietin;
Lalṭhungpha vêla an nghâkhlana râwl chun,
“Hmangaihai ṭap khuo a sei taluo an tih.
Kan vakvaina vadung hi sei sienla khawm,
Ṭhuoitu Hmar Arasi chu thlir peiin;
Lawngchâwlna tlang thienghlim chu min tlun ata,
A chun hmangai ruoldithai kim tâng an tih.
Pan pei ka tih, chatuon thlifim lêngna chu,
Ṭuoi lovin pârtehai an vul zing ie;
Berâmte le vân pârte vul zinghai chu,
Thisen zârin, aw la hang tlung ngêi ka tih.
An hril lung mâwi tuollâi ka lêng pha chun,
Hnung tieng muol liem ding hi ngai ta naw ning;
Chuong lung mâwi Lalpa ram sukmâwituhai chu,
Chul ta lovin, chatuonin var zing an tih.
DAMLAI TUIPUI DUNG LE VANG
Composer: Patea
Damlai Tuipui Dung le Vang Lyrics brought to you by Unau
