Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
A hung pieng van Lal nau Bethlehem ah,
Hnam tin damna di’n bawng in tlawm a nghâk;
Suol bawia min tlan di’n midang hrim an um nawh,
Lal Krista Aw, Lili pâr nang naw chu.
Aw, chung van angel var hai,
In rawl mawi hung in suo ro,
In rawlmawi, in rimawi, in hlamawi sak ro;
Chunghnung tak ropuina a ta vawng ni sienla,
Ropui raw se, Halleluiah Amen.
I ropui aw Lalpa, hnuoi le van ah,
I ropuina hi hla’n sak tawp thei naw ning;
I thilsiem tinrêng hai I tirko an lo nih,
I ropuizie mi hriltu an lo nih.
In nghil naw ning Lalpa, Bethlehem tlâng,
Bethlehem khuo chenin hung zawng pei ka che;
Bethlehem khuolbûkah inlawina rûn invâi,
A tlâwm taluo I zâlna ranthlêng hi.
A Hung Pieng Van Lal Nau Lyrics brought to you by Unau
