Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Mitin ta dingin a hung pieng, Lal Krista chu Judai ramah, Hnuoi tiempuia Van Lal nau chu, Ranthleng tlawm anghak ie; Hotuhai le Lal ngûrpui ha’n a pieng thu an phêt suoka, Sienkhawm David khawpui a chun, Rûntin zâwtin an vâi Lalpa.
Krista chu iengtin am I ngâi a?
In lungrilah hmuna um am?
Tu hun le chatuon chen a chêng dingin,
Lal le Sandamtu’n pawm i ti’m?
A chûn rieng Mari’n ranthlênga, puonnêmin a sakruong a tuom, Ka dawnin lunglâi a kham ngêi, Lungchim vân Lalnau chu; Vânkhawpui lunglâi thliekin, Bethlehem phûllêng ahung nghak, Kei khawm sandamtu hming manin, Damlâi thlaler nghâk vêng ka tih.
Vân mipui ha’n an hung puonga, Lal Krista chu ropui raw se, Hnuoi chungah remthu inlêng sien, do le râl kâra khawm; Mitin lungril inthieng sien, Vân hmangaina zâia châwiin,
An nghil bîk nawh, lawmna robawm, hawnga rângkachak hlu nêkin
Ama mi ha’n puon ang an hnawl, Lal Krista chu Judai ramah, Jeisimon thlaler fang suokin, kross chungah a lu ân nghat; Ei ram ei hnam rûn tin ah, Immanuel Lal a ṭhung am?
Ruolthar nunmawi vul ve naw maw, Lal Krista le a thu ahin?
Aw lenruol hai hung tho unla, Lal Krista chu inpâk ei tiu, Zai le biethu’n ka hril seng nawh, Ahmangaina ropui; Ranthlêng le hling phier khum a, hmangai leia mîn tlantu chu,
Hringna tharin Halleluiah, ropui raw se Lal Krista chu.
Mitin Ta Dingin a Hung Pieng Lyrics brought to you by Unau
