Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Min hmangaih tih ka hria I thilsiam ah a lang,
Ka lei leh kâ duhzawng ka mawi tihzawng ber leh,
Ka thinlung chhungril ber luah thin I kutchhuak te’n,
Min hmangaih an hrilhfiah.
Engpawh mai hian min hmangaih tih a hrilhfiah,
Misual ber hi nangin min hmangaih a,
Ka tan I hlu I tan ka hlu tih ka hria,
Lalpa ka va lâwm em.
Min hmangaih tih ka hria min enkawl danah hian,
I malsawm min vur te’n min ngaihsakzia an hril,
Hmangaihtu min pe a hmangaih tur min pe a,
Min hmangaih an hrilhfiah.
Min hmangaih tih ka hria I tuarna ah a lang
Pathian fapa meuh kha nunna kan neih theih nan
Thing kross ah an khai a saruak mualpho berin
Min hmangaih I hrilhfiah.
AN HRILHFIAH
Composer: C Lalzarmawia
Popularised by Isaac Hnamte
An Hrilhfiah Lyrics brought to you by Unau
