Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Key: Doh is ‘C’
Ka Lalpa hnung zui tur hian channa emaw ka ti thin,
Mite ngaiha hlawhchhamna lo thlenin;
Aw ka tan a hnungzui hi channa emaw ka lo ti,
Mahse hlawkna a lo ni si.
Chorus:
Tahna reng a awm tawh lo,
Lungngaih mangan buaina pawh;
Amah nen kan inpawl chuan,
Dam chhung ka tawh apiang hi,
Lawmna tur hlir a lo ni si.
Harsat, mangan, buainaten ka kawng min chim buai laiin,
Mite ngaiha beidawnna lo thlenin;
Hrehawm tuarin chau ila, kut ruak pawhin awm ila,
Hlawhchham reng reng a awm lo ve.
Kalvari tlâng chungah chuan a tlansate kan leng za,
A hmangaihna far chauh pawh kan chanin;
Chatuan nun daih a ni si, khawvel zawng eng pawh ni se,
Lawmna tur hlir a lo ni si.
Composer: K. Lalthanzama
