Unau is your digital destination for celebrating the essence of brotherhood across the Kuki, Mizo, Zomi, and Hmar tribes.
Chu zan phalbi vur dei laitak hnuoia,
Chun Mari’n a hring sakhmel nui sieu in;
A hmel chu hmangaina, lainatna’n a sip,
Van Angelha’n lawm hla an rem,
Kei misuol tlanna’n hrimi chang tul si.
Aw a tlawm ngei maw, Van Lal naupa chun,
Bethlehem ranthlengah hring a hung chang tah;
Hnuoi le Van inremna Chanchintha lawmum a nih,
Lawmin inpak ei tiu, Remna Lalpa chu.
Hnuoi le Van Lal nau piengna hmun ding chun,
A tlawm taluo ie Bethlehem ranthleng;
Sienkhawm an Lalna an hmu mivar haiin,
Bawkkhupin chibai an buk a;
An hnawl chuongnaw mitlawm Berampu hai.
Suol thina le thimhnuoiah inthung a,
Ti inthin a, thingbul, lungbul be hai;
A hung lut chila Lal silfen chu hlip in,
Suolna le thina chu hnein;
Tuhin hringna vara ei leng nawk tah.
Iengleia kei hilai hmuna um hi,
I hringnaa intlan ngai misuol hi;
I mi hung hriet vawng vawng am ana Isu,
A mak ngei Pathien remruot dan,
Lawmna zaiin I hming inpak ka tih.
CHU ZAN PHALBI
Chu Zan Phalbi by ICI Central Choir. Compose: Rev. Zothanghrim Zote
